運輸局一直無風無浪，但最近成了三煞位，新聞多多，可說為吳榮奎告別官場增添了不少難忘回憶。八方最近喺中環食飯，原來官場中人不少已「貼」吳榮奎的接任人選，乃董特首身邊的林D8瑞麟。
董特首上周喺會展承認自己嘅公關宣傳做得唔好，佢身邊不少智囊都建議董建華連任之後，應該換吓班底，畀人煥然一新嘅感覺，故一般預料林D8七月後會另有重任，成為運輸局局長嘅大熱人選。
林瑞麟八十年代曾經喺當時嘅運輸科做過嘢，所以林D8若接任吳榮奎，相信是駕輕就熟。官場又八卦，話日後嘅運輸局，會可能同𠵱家嘅作風一脈相承，皆因林D8回歸前，同當時嘅憲制事務司吳榮奎非常合拍，經常見兩人喺走廊密密斟，所以兩人風格相似不足為奇。而吳榮奎的風格，眾所周知，就是石頭鑽不出血的一類，最啱做談判代表。


E-mail：[email protected]