隔牆有耳:譚志源好學唔學 - 李八方

蘋果日報 2009/03/08 00:00


政制及內地事務局局長林D9俾人鬧係奴才、公公、人肉錄音機唔係新聞,佢下屬副局長譚志源噚日喺港台被問到有呢位上司,感受如何時,坦言雖然唔係鬧佢,但都不太好受,惟有用EQ去平衡心理。
譚志源又話,做人最緊要有信念,就唔怕俾人誤解,主持人質疑泛民寸爆林D9,可能係因為局長口出惡言在先,標籤泛民係反對派惹起反感,至於譚志源會否用「反對派」稱呼泛民,譚志源使出林D9最拿手嘅「遊花園」伎倆,推搪一輪,最終連主持人都發火,佢先至不情不願咁同林D9劃清界線,表示自己「從來冇乜用標籤去標籤議員」。至於老闆咁講有冇問題,佢梗係不表態啦。