李福兆表示,是去年7月因胃痛入院檢查,才發現腫瘤,已即時回港做手術切除,「無乜大礙,近幾個月都瘦咗30磅……要到7、8月完成化療。」以往中氣十足的他,病後說話已見無氣無力,短短50分鐘的訪問已經要多次「暫停」養神養聲。
原本李福兆在泰國過着他形容為「清風徐來、生活寫意」的日子,一個月打三次高爾夫球,閒時又和老友打麻雀、行街消遣。去年突然胃痛,入院照胃鏡,才發現遭病魔登門,惟他仍然處之泰然:「呢個係人生過程,如果要死都係死,無可避免。驚要死、唔驚又要死、你憤怒又要死、你開心又要死,唔需要認真。」
李福兆形容,現時的生活原則是「素其位而行」(出自《中庸》,意作「遵守本份來行事」),得病後亦只是飲食小心一點:「一日要瞓11、12個鐘……要少食多餐,多食水果蔬菜,甜嘢唔食得,又唔好食防腐劑太多嘅嘢。」