最近陳太頻頻曝光，噚日上午阿松、馬仔同鄺其志齊齊上去見阿董之際，陳太同一時間出現，佢到達及離開嘅時間，同阿松等人差唔多，令人不禁有所聯想：唔通阿董近排太多頭痛事，要搵陳太求救？
等咗成粒鐘，先見陳太由政府總部出嚟。其間八方見到有個菲傭帶住個BB喺政府總部樓下停車場行嚟行去，個BB好可愛。陳太出到嚟同記者解釋，原來佢係嚟宣誓出任非官守太平紳士。佢上車八方先見到之前個可愛BB一齊上車。
陳太此時笑得非常燦爛：「係呀，佢係我個孫，而家帶佢去玩！」重教BB隔住車窗向記者揮手。陳太一直放緊退休前休假，今個月就會放完，正式脫離公務員隊伍。
（圖）陳太去政府總部都帶埋個乖孫出嚟。


傳真︰2623-9278
電郵︰[email protected]