當年今日

陳豪雖未夠好 自忖難突破
陶大宇無奈退火線做住家男

蘋果日報 2005/07/17 00:00


陶大宇年前回巢TVB後,氣勢難復當年師奶殺手之時,又被對頭陳豪頂到正,近期他約滿在即,據知無綫更刪減其拍劇量,但大宇仍樂於面對,因他自知發展到樽頸位便難尋突破,豈同新人康莊大道任我行,故他也接受減產事實,寧願做個住家好男人。
事業篇:仍然有理想
陶大宇年前回巢TVB後簽約兩年拍攝三部電視劇,他先後拍了《青出於藍》、《心花放》及《開心賓館》,據知近期無綫已跟他斟洽續約,開出條件是兩年兩部,換言之是減他工作量,大宇日前在銅鑼灣接受訪問時,表示確約滿在即,他向無綫開出的條件更簡單,是一年拍一部。
寧願一年一部
大宇說:「以前細路仔,為幾千蚊意氣用事,處理唔好(指當年他因加薪問題而拒簽無綫),𠵱家都有加嘅,拍電視嘅錢多同少係數字遊戲,希望有好角色、我寧願一年一部,接好啲嘅劇本。電視台人工多極有限,好難同出面比,但我冇為呢個問題影響大家關係。」
以前大宇拍過不少內地劇集,回巢後薪酬當然難以比擬,他承認如今確比往時賺少一半,他說:「喺香港拍劇會贏番人緣,今次傾續約,畀我感覺係公司唔想孭咁重磅,工作量少咗,但對我嚟講係多,我都唔想好似以前咁辛苦,想擺番啲時間喺屋企。」大宇主演的《開》劇現正播放,這部又是一套喜劇。從前他本應屬劇情派演員,但回巢後竟變成喜劇演員,對此他淡然說:「咁就更加證明一個道理,話畀啲新人聽,到咗我呢個年紀嘅藝人,好多嘢去到樽頸位,機會少咗,新人好似喺紅隧出嚟,康莊大道任我行,要珍惜囉,新人就自動有角色搵佢,而我哋就去搵角色,有好大分別。」
還是當男主角
大宇續說:「好角色個個同你爭,機會到唔到你有好多因素,喺能力範圍揀最好,咁拍唔拍呀?唔拍戲又做乜呢?唔可以喺屋企發霉㗎。」大宇揚言拍喜劇不是其強項,他這樣說:「以前會唔開心,𠵱家唔會,我以前拍《刑偵》執二攤,拍完後都係倉底貨,直至公司有日發現有嚿咁嘅嘢,出啦,點知就爆咗個師奶殺手出嚟。你以為佢唔得咩?佢聽日就得畀你睇,你以為佢得咩?聽日佢就死畀你睇。」
大宇又說:「今次再返嚟,啲人覺得我平淡咗,冇乜嘢,但《心》劇係今年暫時嚟講最好收視嘅土產劇,我仍然係男主角,你話我阿Q又好點都好,但要突破係好難,要有好多嘢包裝,不過我對工作仍有要求,重係一個有理想嘅人。」
採訪:朱倬誼
攝影:葉君海
服裝:FrenchCollection
場地:TintLiving
empty
《你以為佢唔得咩?佢聽日就得畀你睇。》陶大宇自歎發展已到樽頸位,難再突破,惟有在能力範圍內做到最好。
empty
陶大宇回巢後突然變成喜劇演員,收入也比之前拍內地劇賺少一半。
empty
左起:吳美珩、陶大宇和戴志偉主演的喜劇《開心賓館》,上周首播收視不過不失。
劇照
empty
當年陶大宇與梁榮忠合演《刑事偵緝檔案》系列,大宇憑飾演「張大勇」一角而成師奶殺手。
劇照