施念慈獻出泳裝第一次

蘋果日報 2002/07/29 00:00


陳霽平及施念慈昨日到馬鞍山為「舞動歐洲嘉年華之藝術身體彩繪迷人CatwalkShow」擔任模特兒,二人均穿上泳裝表演,更有彩繪師在她們身上畫上不同圖案。

夫婿放心
施念慈表示今次是入行以來首次穿上泳裝表演,問她其夫婿會否擔心,施念慈笑說:「我都有話畀佢知今次會着泳衣,不過佢都好放心,因為佢知道我份人好保守,一定唔會太過暴露。」
再問施念慈平時會否穿三點式泳衣?她說:「我自己件泳衣重性感過今日呢件,平時我會着兩件頭嘅泳衣,因為一件頭會着得個人好肥,但係我就唔會揀好少布嗰啲比堅尼。」
採訪:JessicaNgan、FredaLee 攝影:HoKwokHo