負責監管內地銀行的中國銀監會，近年不斷改革優化，面向海外選拔人才，以配合國際化監管要求。該局日前就喺北京舉行咗專業考試委員會首次工作會議，同埋進行首次海內外公開招聘考試。
主席劉明康重特別喺會上，向一批中外銀行專家，頒發咗擔任委員會專家考官嘅聘書。呢批海外才俊，包括財政司前司長梁錦松（圖）、借調交行任副行長嘅滙豐銀行總經理葉迪奇，同埋高盛亞洲董事總經理胡祖六等，粒粒都係國內知名度甚高嘅海外賓架。
講開松哥，雖然韜光養晦咗一段時間，但近期似乎蠢蠢欲動，一方面聯同星展競投廣東發展銀行股權，又喺內地金融界場合間中露一手，以松哥喺內地嘅人脈，隨時可以重出江湖。

傳真︰2623-9278
電郵︰[email protected]