陳志雲昨日獲判無罪一身鬆，昔日愛將崔建邦亦有望翻身，崔建邦去年10月醉駕被停牌，今年1月竟於停牌期間駕駛，令陳志雲心痛不已，今年5月崔建邦被無綫放棄，表面上由金牌司儀淪為助導，但有指其實是陳志雲教路，要他先退居幕後避風頭，以免高調的他被挖出更多不利新聞而搞到坐監，早前陳志雲好友何麗全更想挖崔建邦過檔now，前景已露曙光。

王賢誌讚法官

至於曾因續約問題鬧陳志雲偏心崔建邦的王賢誌，去年9月與陳志雲關係破冰，昨日王賢誌在中環出席其主持的now節目《102觀星總部E+Focus》，被問知否陳志雲被判無罪，他說：「我差啲唔記得單案今日判，我有睇新聞先出嚟，OK，個官講得幾中肯，幾鍾意佢咁講，TVB股東當TVB係俱樂部有說服力，亦係事實，TVB係冇機制去決定同監管藝人點樣撐場，同埋收錢做啲乜。佢哋今次案中三個都冇事係好合理。」問他若陳志雲邀請他返無綫會否接受？王賢誌說：「我諗佢唔會叫我住，係都之前叫。」對於有傳何麗全找崔建邦過檔，他坦言若與他合作相信會有火花。
採訪：張俊銘　攝影：陳志嵐