今日必買
祖國枇杷化痰止咳
中國、台灣、日本均有出產枇杷，品質最靚係日本貨，只有大型日式超市至搵到，但售價亦係最貴，最抵食嘅枇杷係我哋祖國所出產，最近有部分果檔可以搵到呢啲抵食嘅枇杷，每磅十零蚊，佢細細粒但無毛，上年都見過，食味甜，但美中不足係唔夠香，果肉爽可連皮食，要化痰止咳食佢確係唔錯㗎！
記者：陳冰麗
香花菜香氣獨特
香花菜名副其實帶有獨特嘅清香味，其葉細細而梗幼長，唔係咁容易搵到佢嘅蹤影，最近喺部分菜檔又見到佢蒲頭，小記當然即刻告之大家。
香花菜主要係滾湯或煎蛋食用，佢嚟自中國，有時斷斤賣，大概$10-$11斤，最近搵到嘅多以一紮紮出售，每紮大概半斤重，價錢都好平穩。
記者：陳冰麗
大條泥鯭 肉質鮮甜
從前買到的泥鯭都是比較細條的，但最近多了大條泥鯭賣，條條都有手掌般大。這些大泥鯭雖然比細條的價錢貴，但味道鮮美而少泥味，而且骨較少，用來加果皮蒸確是十分滋味的菜式。大泥鯭都是本地捉到的，通常都是生猛游水貨，可到賣游水海鮮的魚檔找找。
記者：謝翠玲