韓劇《經常請吃飯的漂亮姐姐》（漂亮姐姐）嘅30歲男星丁海寅，近期因為夥拍女神孫藝珍演甜蜜情侶而人氣急升，更被封新一代男神。而丁海寅將於下月18日首度襲港，舉行由美亞綜藝及德碩文化傳播有限公司主辦嘅「2018 JUNG HAE IN ‘SMILE’ FAN MEETING IN HONG KONG」見面會。

另外，丁海寅繼早前於「第54屆百想藝術大賞」上奪下人氣獎後，佢亦登上兩項人氣調查嘅榜首，人氣一時無兩。於日前播放嘅節目《梁世炯的防刪工作室》中，丁海寅於「最想請他吃飯的年下男」排行榜中，擊敗人氣男團Wanna One成員姜丹尼爾及韓劇《雲畫的月光》男星朴寶劍，登上冠軍寶座。

韓國企業研究所早前亦以上月播放嘅劇集為標準，根據傳媒報道、參與及分享等指數分析演員影響力，丁海寅同樣佔據榜首，榮登5月最具影響力演員。

而丁海寅嘅香港見面會門票，將於聽日公開發售，票價分為$1,180（VIP）、$980及$680，丁海寅更將會跟所有入場粉絲進行擊掌，持VIP門票粉絲更有機會可以跟丁海寅合照留念，或獲親筆簽名即影即有，大派福利。

更多韓流，喺晒《娛果》
http://fb.com/appledailyent