楊千嬅和陳奕迅（Eason）昨日在旺角新世紀廣場，為電影《慳錢家族》宣傳，二人分組與觀眾玩踩波遊戲，當中以Eason最為「狼死」，他獨力踩爆所有氣球，成為大贏家。
對於蘇永康在台灣涉嫌藏有搖頭丸，被帶返派出所調查一事，楊千嬅說：「我唔清楚亦冇聽過公司嘅人提過，不過街上不嬲都有好多傳聞，我就唔係好信康仔會咁做。但我承認做藝人壓力係好大，需要好多空間，我自己就會選擇去旅行，面對唔開心嘅事亦當係人生其中一個過程。」

Eason忘受傷陰影
此外，曾在表演時傷及下體的Eason，昨日與千嬅即席示範《慳》片中的「防狼四式」時，表現忘我，他甚至凌空飛踢。問Eason對上次受傷是否有陰影？他說：「唔擔心，上次意外嚟啫，我已經小心咗好多啦。」不過當Eason走近台邊時，千嬅卻向他說：「小心啲呀，台邊嚟㗎！」