話說老董宣布參選當日，台上最令人難忘嘅護法係譚校長，當時已有人話畀八方聽，譚校長並非首選演藝界代表，只是周潤發不在港，所以有機上台表演。
不過，八方始終覺得大會今次冇揀錯人，阿倫句句真情，講中要害。後來八方從連任辦聽到佢哋搵人啲方法，覺得更要為譚校長平反一下。
原來連任辦因為只有兩、三日籌備時間，為怕有人唔得閒，所以每個界別都搵幾個人睇吓邊個得。所謂「時間催人、任務迫人」，演藝界就有三手準備，除咗譚校長，重有成龍同發哥，最後只有校長人在香江，所以馬上拍板，古仔就係咁講，睇落都幾可信，唔通發哥同成龍都要避阿董遠去咁醒咩。


E-mail：[email protected]