繼成功爭取北極有企鵝之後，民建聯又有新猷，今次係為香港搵到一條新收費隧道，稱為「大佬山」隧道。係咪好犀利呢？
咁究竟「大佬山」喺香港邊度、呢座山又屬於邊一位大佬呢？八方都唔清楚，大家有興趣要問吓民建聯主席李慧琼、陳克勤、葛珮帆同埋區議員董健莉，因為佢哋最近出咗張海報，大大隻字抗議「大佬山」隧道加價（圖），但睇下內文，其實係抗議緊大老山隧道獅子開大口，再度加價。講到呢度，八方相信大家都估到，民記佢哋講緊嘅係大老山隧道箒，明顯民記又一次寫錯字喇！但奇就奇在，佢哋內文寫咗三次都冇寫錯字嘅，但係衰在個標題雞乸咁大隻字寫「大佬山」！