當年今日

【短片】【瘋狂講粗口1】阿澤教X你屎忽接啲乜

蘋果日報 2015/07/24 06:00


識講粗口,一定要用暴龍哥tone。要聽粗口,都係聽鄭中基同杜汶澤講最爽。佢哋早前為有份配音的電影《低俗殭屍玩出征》宣傳接受訪問,內容仲涉及大量「X」符號,請有識之士自行補白。
原來鄭中基讀幼稚園嗰時已經講粗口。阿澤仲爆鄭中基份人好古怪,細細個成日喺屋企食Toro俾阿嫲打:「佢攞住Toro係廳食,冇切過,免切嘅一塊。跟住佢阿嫲走出嚟話,衰仔豬肉唔可以生食o架!」
兩個人講到㷫起,阿澤仲爆埋前經理人大鑊,話前經理人好鍾意講「X你個屎忽凍冰冰」,之後仲一齊研究屎忽點先可以凍冰冰:「點會X我個屎忽『凍冰冰』呢?你話X我個屎忽『熱辣辣』,到底點先會凍冰冰呢?」

成個訪問過程粗口橫飛,鄭中基講講吓仲提起阿女講粗口事件。想知佢阿女講乜粗口,睇另一條即時新聞啦!