指賣債仔房產買禮物好核突
羅守耀綠寶石贈老婆濕碎

蘋果日報 2002/09/09 00:00


裕泰興董事總經理羅守耀前晚偕妻出席香港外國記者會舉行的籌款舞會,羅太一身珠光寶氣,佩戴全套綠寶石首飾示人。問羅守耀若有債仔無力清還債項,他會否變賣債仔的財產送禮給老婆?他說:「唔會咁核突,買少少嘢畀太太,咁嘅錢都唔係冇啩?」
社交場合稀客、裕泰興董事總經理羅守耀夫婦、有線「新聞之花」張寶華和張瑪莉等人,前晚往金鐘港麗酒店出席香港外國記者會舉辦的「飛躍漫舞於亞洲街頭」籌款舞會,為保良局籌得一百萬元善款。

悉心打扮行頭勁
羅守耀夫婦二人均悉心打扮赴會,羅守耀穿上鑲有水晶的恤衫,而羅太的行頭更是驚人,她佩戴全套綠寶石首飾及鑽表達數百萬元,二人甫出現已十分耀目搶鏡。
問羅守耀其公司與章小蕙的二億五千萬元錢債官司進展如何?早前章小蕙上訴得直,他是否亦準備上訴?羅守耀說:「今晚唔係適當嘅場合講呢個話題。」再問羅守耀早前鍾鎮濤開完個唱的收入,會否還款給他?羅守耀說:「呢啲要等破產法庭去做。」

張寶華單獨赴會
羅太前晚珠光寶氣,問羅守耀是否全由他送贈?他說:「唔講呢啲,你哋唔好咁八卦啦。」如果債仔無力清還債項,但當中有實質財產如房屋及珠寶等,問羅守耀會否拿來變賣?羅守耀說:「冇,當然唔會咁核突啦,更加唔會將變賣咗所得嘅錢買珠寶畀太太。買少少嘢畀太太,咁嘅錢都唔係冇啩?」
此外,張寶華前晚亦是舞會座上客,問她為何不與男友結伴出席舞會?她說:「男朋友唔喺香港,我自己係跑大陸新聞嘅,逢周末周日都放假,所以今晚咪自己一個人嚟囉。」張寶華又透露下月將會往墨西哥採訪,而墨西哥之行的主角則是國家主席江澤民。