無綫資深甘草演員曾守明前晚在廣州登台期間暈倒，經搶救後無效，終年58歲，曾守明遺體將於明天送返港，今日網上流出曾守明在當晚暈倒一刻片段(新聞連結： http://bit.ly/2pdMnzw )，問到歐瑞偉知唔知有條片流出，他說：「點解會有條片流出嚟嘅？呢條片我冇望過，可能係現場啲人拍啦。」

曾守明遺體明日運回香港，有否跟曾太聯絡？歐瑞偉稱：「我唔知，因為未同阿嫂聯絡，我淨係知佢今日上咗去，未同佢聯絡到，所以我唔知。」

曾守明出事後，歐瑞偉對事發嗰陣依然歷歷在目，他說：「我一定記得啦，我當時睇唔到佢跌落嚟，我喺下邊幫佢影相，佢唱唱吓突然間有音樂冇歌聲，我影影吓相，睇吓啲相有冇矇到，我喺後面，好多人遮住咗我，距離都遠，突然家生喺後台衝出嚟，我即刻由後邊入番後台。」阿嫂心情平伏了嗎？歐瑞偉說不知道，問到他自己心情，歐瑞偉說：「好啲。」

此外，鄭家生對於故友曾守明暈倒一刻短片曝光，他接受電話訪問表示：「唔敢睇，唉！費事睇。總之合埋眼就喺滿腦子情境，噚日做完《東張》返嚟都戇居居咗成日，感覺都未走。」問到曾守明遺體明日運返港？鄭家生說：「我唔知，聽講藝進會同佢搞。」