屯門友愛邨因經常停供鹹水，引來居民極大不便，且浪費食水，但究其原因，由於屋苑正進行大型翻新工程，需要關上大掣外，更不時因工人鑿穿喉管，以及在進行公屋翻新工程時「無記性」，忘記重開水掣，而要居民承受不便。

「每年年初屋企都冇水沖廁，真係大吉利是。」屯門友愛邨愛樂樓住戶馮太不滿大廈經常無鹹水，尤其長假期間，更是「一定冇水」，她說，剛過去的聖誕假期便整整一個星期「冇水沖廁」。

維修工人不負責
馮太說：「成日冇水，好唔方便，又浪費食水。」她續稱，該邨過去一直有此問題存在，當時房屋署指是因為喉管老化所致，但現時已進行大型更換水管工程，但情況不但未有改善，反而變本加厲，她曾就此情況向屋邨辦事處投訴。
職員竟承認，因為工人為大廈的單位進行翻新工程時，將喉管鑿穿，所以影響供水，而適逢假期，「啲工人返晒大陸，冇人維修」。
馮太對有關回覆甚表驚訝，「啲工人咁唔負責任，房署竟然由得佢，我哋唔方便佢又唔理，真係好有問題。」
屯門區議員陳雲生指出，造成友愛邨經常停供鹹水有多個原因，其一是因為友愛邨乃早年填海土地，因自然現象致土地下陷，令地下喉管容易爆裂；其二是因為該邨兩年前進行大型喉管翻新工程，工程期間如涉及地下喉管部份，便要將水掣關上。
最主要的是屋苑部份單位進行翻新工程，尤其愛樂樓全是細單位，去年房署推行擠迫戶調遷計劃，該大廈有大量住戶搬離，故翻新工程便相對較多，但工程進行時，有工人為貪方便，將供水大掣關上，放工時又忘記重開，晚間住戶也無鹹水使用，此情況在假期尤為嚴重，因為房署發現大掣遭關上時，「都唔知去邊度搵佢哋」。