阿松北京歸來，為特區與內地爭取了一個五點磋商的大原則，算是為老董期望與內地建立類似自由貿易區踏出了第一步。
不過，外經貿部副部長安民宣布有關定名時，八方為之一跳，叫甚麼「內地與香港更緊密經貿關係安排」；嘩！乜個名咁長咁難記㗎，安民話咁叫法先至準確，阿松就話名唔重要，而老董則表示支持。
既然大家都冇所謂，就算啦。後來八方從阿松新聞秘書得知，呢個稱號外國好常用，英文係「CloserEconomicPartnershipArrangement」，簡稱CEPA，事實係「自由貿易區」個名本身有問題，不過傳媒相信都幾難改。


E-mail：[email protected]