相信全車最大嘅改動，莫過於係座艙鋪排，尤其係立體嘅中控台新設計，重有全新表板及波箱組合㖭！據知三門版Freelander有齊皮椅，重有原廠CD音響連遙控同聲量自動調節，兼且重有埋可裝拆嘅車尾頂，一派時尚富活力嘅賣相，車價都不過係29萬9千咋！
至於五門版Freelander設備重齊全，既有17吋合金胎軨，又有原廠泊車感應裝置、全車皮椅鋪排之餘，還有原廠電天窗、頂級音響等裝備，車價都不過係31萬8千呢！以其2.5公升V6偈匹配5前速半自動波組合，加上全天候恒式四驅配搭，同級車中都可謂無出其右；聽聞𠵱家個預定價，遲吓有機會調升，若然有興趣擁有的話，就真係要快一步落Showroom查詢一下喇！