呢個周六及周日，香港車迷不愁無好去處；事關亞Mark早前經已提過，話兩大德國汽車品牌嘅平治同寶馬，不約而同分別響灣仔會展同添馬艦舊址，舉行平治新E-Class及寶馬全線大滙展嘉年華。論戲碼兩者可謂旗鼓相當，惟前者屬高級轎車類別，響𠵱家香港嘅經濟環境，未必有咁多人可以買得起，加上快者都要六、七月至有車交，睇嚟寶馬部唔使24萬嘅316TiCompact，以及世界各地熱賣嘅全新MiniCooper重有瞄頭噃！
然而，亞Mark最有興趣嘅，重係新加入有同M3類似SMG半自動波箱嘅325iA同330iA型號，加上同場重有專程由德國到港嘅駕駛技術教練指導；若然有機會響場中給指點一下的話，相信揸住部寶馬走圈嘅感覺會重High噃！