全新豐田CorollaVerso日內瓦車展現身
蘋果日報 2004/02/04 00:00
剛啱成為全球第二大汽車出口王國嘅日本豐田車廠（Toyota），經已落實響歐洲推出全新中型MPV嘅CorollaVerso，預期喺今年5月正式投產之後，全年歐洲銷售量將達62,000部。
全新設計嘅7座位CorollaVerso，將以位處土耳其嘅分廠為生產基地，全車外形變得趨時又具備剛性一面，當中尤其係一對成三角立體嘅Xenon頭燈設計，匹配全車大包圍組合，又豈止係一部家庭七人MPV咁簡單呢！而直立式尾燈編排，以及有助駕駛者後車嘅倒三角尾窗配搭，均見有多一份安全性。
全新設計嘅7座位CorollaVerso，將以位處土耳其嘅分廠為生產基地，全車外形變得趨時又具備剛性一面，當中尤其係一對成三角立體嘅Xenon頭燈設計，匹配全車大包圍組合，又豈止係一部家庭七人MPV咁簡單呢！而直立式尾燈編排，以及有助駕駛者後車嘅倒三角尾窗配搭，均見有多一份安全性。
雖然廠方至今仍未公布呢款全新CorollaVerso嘅引擎配搭，惟相信入門版可會是以一台1.8公升或2.0公升引擎作主導，或許遲吓重會配備柴油Turbo偈呢！然而，可以肯定嘅係，新偈將用上一按式電撻設計，並輔有5前速半自動波組合㗎！預期新車有望於3月瑞士日內瓦車展中登場，有興趣嘅車迷，不妨拭目以待喇！
■車廂空間寬敞闊落之餘，匹配承托力甚高嘅座椅，乘坐妥貼舒適。
■直立式尾燈閱讀清晰之餘，新式尾窗設計，為倒後泊車帶來不少方便。