大角嘴利得街千歲大廈住戶，因投訴電梯服務，始揭發大廈原來拖欠電梯維修保養費達兩年，居民擔心電梯日常維修保養受影響。

「部電梯成日壞，每次要拖成個幾星期至整好，重以為間電梯公司有問題，點知原來係大廈欠人錢唔還。」千歲大廈住戶李先生投訴稱，「每個月都有交管理費，唔明點解管理公司拖呢啲錢?」

住戶每月交管理費
他說，他兩年前遷入後，發現電梯經常故障，但每次都要個多星期才獲維修妥當，起初他還以為電梯公司服務差，遂向電梯公司投訴，才獲告知千歲大廈自二○○一年開始「唔找數」，每月維修保養費七千多元，累積至今已達二十二萬多元。
他說，自始留意管理公司貼於大堂的管理費每月收支表，帳面有如常支出「電梯維修保養費」，他因此質疑「數又話有找，咁筆錢去咗邊？我哋每個月都有交管理費，咁咪好冇保障？」現時他最擔心是欠費最終須由全棟大廈逾二百個住戶承擔，屆時又要「籌款還債」。