陳苑淇（Jolie）早前因為要返美國波士頓完成學位課程，故此暫別樂壇半年。原來Jolie在入行前，答應了父母一定要完成大學課程，雖然她曾想放棄，但最終也完成了學業。

不滿意成績

Jolie說：「我臨返去波士頓之前，都有諗過不如唔返去，因為想繼續留喺香港唱歌，但係我知道一早應承咗父母做嘅嘢，就一定要做，因為當初佢哋好支持我入行，但完成大學課程，係入行條件之一，既然係咁，我一定要去完成個課程。」
不過Joile表示自己對於之前在樂壇上的成績不太滿意，她說：「之前出唱片嘅成績都唔係咁理想，好多人連我個名都講唔出，佢哋只係會話個女仔，咪係同李克勤合唱嗰個，有時聽到都幾失望㗎，原來自己畀人嘅印象唔鮮明。」
採訪：李珮洳　攝影：陳慧安