新春一過，人力市場即見生機。唔知係咪呢一兩年各大小公司都以瘦身為己任，減到過晒火，所以經濟一好轉，就要招兵買馬。
郭鶴年嘅《南早》有人事變動，八方一早講過，噚日佢哋正式公布，由《英文虎報》禮聘過檔嘅馮惠儀已經正式上班，出任《南早》副總編輯，負責報章嘅日常運作，以及發掘新聞，等老總顏仕強有更多時間度吓《南早》嘅編採策略同方向。原本負責日常新聞採訪嘅執行老總劉志權就專注寫文章，睇政策喎。
郭生喺中國有咁多投資，中國又加入世貿，市場將更開放，《南早》本來係一張有百年歷史、地位極為崇高嘅報紙，今日已主動清場，炒咗包括林和立在內嘅前朝餘孽，他日喺大陸應該大有可為。馮惠儀年輕有為，又夠晒「中國人」，有佢助陣，一定唔會令人失望嘅。
（圖）公務員事務局送畀記者嘅小禮包，裝滿包裝精緻嘅零食。


傳真︰2623-9278
電郵︰[email protected]