當年今日

夫中風半癱 妻患狼瘡症
貧病夫婦盼裝平安鐘

蘋果日報 2002/06/04 08:00


年過五十歲的葉太歎道:「早幾日我出咗街買餸,返到嚟佢話畀我聽頭先抽筋,成個人梗晒,好彩冇乜事,你話我點會唔擔心吖?𠵱家得我一個人照顧佢,我自己又有病,真係好大壓力。」其夫朝伯坐在床上亦無奈苦笑。

十隻指頭全潰爛
七十四歲的朝伯,去年七月在珠海探親期間不幸中風,其後送返香港就醫,輾轉住了數月醫院接受治療,現時左邊身軀癱瘓,行動十分不便,甚至無法言語,日常生活大小事務都要依靠妻子照顧。然而,葉太本身亦深受頑疾折騰。九一年她因雙手紅腫而到醫院診治,發覺患上紅斑狼瘡症,病情一觸即發,除了各處關節劇痛外,十隻指頭亦全部潰爛,部份指甲更因情況嚴重而脫掉。
「呢種痛苦真係好難忍受,亦都好難形容,試過因為左手關節發炎而要連續一個月打消炎針,𠵱家左手都冇力,十隻手指都伸唔直。」葉太說。
奈何生活迫人,自從任職水電技工的朝伯於十多年前退休後,兩口子的生活重擔落在葉太身上,她迫不得已拖着一副病軀任職清潔,去年丈夫中風後她才辭去工作,靠領取綜援金維生度日。
葉太表示,他們原本居於大澳公屋,出入十分不便,其夫中風後曾經入住安老院,方便覆診。月前兩人獲房屋署調遷往市區,朝伯遂遷離安老院,返家居住。然而,葉太擔心平日她外出時獨留丈夫一人在家,易生意外,因此她聽從社工建議,打算申請一部平安鐘,保障其夫安全。

「未有一日安樂」
「我每次出街都要嗱嗱聲趕住返嚟,最擔心佢講唔到嘢,有起事上嚟都唔識講畀人聽。唉!呢段日子真係好難過,未有一日試過安安樂樂,如果有部平安鐘就好好多。」葉太語帶希冀地說。鑑於葉太與丈夫同住,並不符合政府平安鐘資助計劃的申請資格,有待善長慷慨援手。
「平安鐘專戶」捐款編號:A500

暖流熱線
電話:29908688
傳真:23702192
電郵:[email protected]
網址: http://www.charity.atnext.com