地產多聲道:新地網頁攞獎

蘋果日報 2002/01/10 00:00


雖然話家陣經濟唔多好,做生意甚艱難,不過,旺角富榮花園一家經營魚湯米線餐廳,原為著名東海酒家廚師之一的周姓老闆,就憑「努力總有出頭天」的哲理,靠賣米線掘到第一桶金,剛巧鄰區的上車盤大角嘴港灣豪庭又賣得如火如荼,隨即透過代理買入一單位,未知會用作自住,方便開舖,還是做收租佬呢?聽聞該米線舖生意愈做愈好,重打算喺大角嘴奧海城二期商場開分店。
新地(016)樓盤受買家歡迎與樓宇質素好有關,但原來該公司搞網頁都有一手,而最近嘅一個調查(亞洲貨幣),由來自亞太區、歐洲同美國嘅基金經理及投資者作出評級,選出新地網頁為2001年香港「最佳公司網頁」的第一名。
究竟新地網頁點解可以攞到獎,大家可以上www.shkp.com.hk 睇吓。
蘭西