係人都知藝人李嘉欣係城中美人，八方最近睇國泰航空嘅內部刊物，先至知道佢哋原來亦有位同事叫李嘉欣（Angela）（圖）。
據介紹，呢位李小姐唔單止靚女，重係曾經代表香港出賽的游泳代表。九七年入國泰做空姐的Angela，自十三歲便開始苦練泳術，擅長自由式，其後被引薦入愉園體育會接受訓練，受訓兩、三年後，開始參加多項本地比賽，更成為香港代表隊成員，九二年代表香港參加在港舉行的亞洲游泳錦標賽。
Angela接受訪問時重話最近考慮重新接受嚴格訓練，再度披甲參賽，更計劃明年挑戰香港成人分齡泳賽，屆時國泰將出現一條空中飛魚。


E-mail：[email protected]