徐濠縈早前在金鐘購買聖誕禮物給親朋好友，包括男友陳奕迅（Eason）、女兒康堤和死黨何超儀夫婦等。徐濠縈甫見店內一個會跳舞的機械人時，即覺得它與Eason十分相似，第一時間購下，她又指Eason近年開始玩表，遂考慮送他一隻RogerDubuis白金萬年曆腕表。

明天是普世歡騰的聖誕節，徐濠縈早前往金鐘太古廣場為男友陳奕迅及女兒康堤選購聖誕禮物，她第一站先往太古廣場的連卡佛，初時她毫無頭緒，但甫見店內一個限量版的Robosapien機械人即很感興趣，這個機械人功能多多，懂拗腰、跳舞、打保齡及辨認顏色，神態亦很似Eason。

租屋擺玩具

徐濠縈說：「呢個機械人跳舞時似足Eason，同埋Eason都好細路，屋企本來有間房專擺玩具，個女出世後霸咗間房，惟有喺出面租個地方擺玩具。」
徐濠縈又買了一個村上隆的Kiki太陽花咕𠱸給女兒康堤，她說：「我個女好文靜㗎，唔鍾意睇電視，反而望到書就反應大啲。」接着她到RogerDubuis購買禮物，並看中了一套鳥籠首飾，又心思思考慮買一隻白金萬年曆腕表給Eason，徐濠縈說：「Eason近年開始學人玩表，所以諗緊買唔買呢隻表畀佢。」
徐濠縈其後選購了一個啞鈴給老友陳子聰，她說：「因為子聰本身係靚仔，希望佢可以加把勁喼弗。」濠縈又選購了一個Mulberry手袋送給超儀，她說：「超儀成日話想要一個正經款嘅手袋，雖然𠵱家用慢咗一拍，但係呢個袋幾襟興嘅！」

賀超儀牛一

問徐濠縈如何慶祝聖誕？她說：「舊年最齊齊整整，我同Eason同個女一家三口去文華食火雞，今年Eason二十三同二十四號都唔喺香港，二十五號一落機就要參加新城頒獎禮，我惟有帶埋個女去開P，加上超儀喺二十六號生日，順便慶祝埋啦！」
採訪：RitaLeung
攝影：ChanChiLam