【韓流】《爸爸》小智雅大個女 宋鍾國前妻上節目再炒熱偷食舊聞

蘋果日報 2018/11/16 08:00

宋鍾國爸爸!我們去哪兒?

曾演出韓國綜藝節目《爸爸!我們去哪兒?》而建立好爸爸形象嘅韓國前國腳宋鍾國,2015年被爆疑似搭上「小三」而搞到同結婚9年嘅老婆朴葉善離婚收場,令佢好爸爸形象盡毀。
宋鍾國前妻朴葉善日前就帶兒女現身節目《今天開始獨立3》,女兒智雅於2013年與宋鍾國一齊出演《爸爸!我們去哪兒?》,當時年僅5歲嘅小智雅現時已經11歲,長得亭亭玉立嘅智雅喺節目上表現得很懂事,又話:「別人屋企都有爸爸,但我哋屋企就冇,媽媽更是加倍勞累,我哋要好好照顧自己。」智雅透露同爸爸每日會傾電話兩至三次,弟弟智旭亦十分崇拜父親,視父親為偶像,未來亦想做足球員。朴葉善亦大方談及離婚後嘅生活,指自己為咗小孩,現時同前夫宋鍾國保持朋友關係,又話:「我哋離婚後唔係仇人,而係好似朋友一樣相處。」
節目效應下,令到宋鍾國及朴葉善嘅名字登上熱搜,而當年因盛傳宋鍾國偷食才致離婚,事件又再次引來網民熱話,宋鍾國再次成為新聞人物,佢透過韓媒表示:「離婚後害怕被指指點點,兩年多唔敢走出家門,還喺山裡生活咗一年,請網民不要亂傳毫無根據嘅謠言,將對散佈者採取法律行動。」

更多韓流,喺晒《娛果》
http://fb.com/appledailyent