經紀陳噚日同小初提及一隻冷門股北海集團（701），佢話隻股雖然業績唔多好睇，但就有大戶正密密收集，或者會有搞作都未定。
北海噚日突然急升13%，收0.305元，成交金額238萬元。
經紀陳話，北海在97年以前都算活躍，之後徐老闆在社交界轉趨低調，連隻股都一齊低調埋。但由舊年12月起，莊士中國（298）在0.22元以下開始增持，至上個月中已經揸咗7%樓上。
莊士系股份，例如勤達集團（1172）同莊士機構（367），由舊年開始已經陸續炒高，今次增持北海，真係唔知有乜玄機？但北海中期業績虧損擴大至1.22億元，斷估唔係睇好公司前景啩？
另外，向來由外資睇場，兼且久唔久就有新舊董事鬧交新聞傳出的勵晶太平洋（575），昨日突然急升17.6%，收0.435元。經紀陳話有兩個傳聞，一個係會派特別股息，另一個係賣盤，叫小初自己估吓。
慕容小初