好多立法會議員就算有回鄉證，都唔係成日返大陸遊山玩水，因為份工唔易捱，點敢亂咁走開。好似社福界張超雄咁，佢都係有證人士，又可以返得大陸，但佢話自己真係好少返去，張回鄉證幾乎發霉咁滯。
當煲呔前日宣布，話會帶團喺今個月底去珠三角訪問時，張超雄先至拎番本回鄉證出嚟睇睇，竟然發現原來一早過咗期，所以佢𠵱家已經度緊時間，睇吓邊日方便去攞番個證，如果最後因為咁而變成無證人士，冇得返大陸做破冰，就真係好可惜。
不過，八方相信張兄唔使太驚，因為預咗你一定等埋你，中旅社有快證做，畀錢就得，祖國𠵱家好文明同好識做生意㗎喇。

傳真︰2623-9278
電郵︰[email protected]