當年今日

  勞永樂義賣新書助災民 - 李八方

蘋果日報 2005/12/24 00:00


南亞海嘯就嚟一周年,樂施會總共籌咗二十一億,幫咗最少一百八十萬災民。身為樂施會成員嘅勞永樂醫生之前去過印度,返嚟之後出咗本書,噚日重搞咗個簽名會義賣㖭。
八方最欣賞嘅係樂施會嗰個「以工作換取酬勞」嘅項目,唔係直接畀錢救濟災民,而係請佢哋幫手重建工作,先給人工,等佢哋可以學番一技傍身,第日都唔使靠人。噚日就有個印度女仔溫麗蒂專登嚟香港分享佢嘅經歷,佢話中學畢業之後就俾家人困咗喺屋企等嫁人,但係海嘯之後屋企搵食嗰隻漁船爛咗,佢就幫樂施會做重建工作賺錢,𠵱家一個月賺到二十五蚊美金,差唔多養起成頭家,佢話自我價值高咗,又見識到外面嘅世界,所以感覺成個人生唔同咗。正所謂因禍得福,八方覺得呢個係一個好正面嘅例子。


爆料熱線:29290000、27860099
報料傳真:26239278
報料電郵:[email protected]