當年今日

兒童天地:
我係運動小健將

蘋果日報 2002/08/11 08:00


棒球機一踩即發球
呢部棒球機啱晒想練眼界的小朋友,小朋友可以自己控制發球,然後揮動棒球棍,睇吓自己能否將球擊中。點控制發球?只要一踩連在主機的腳踏便可發球,雖然棒球為軟身海綿球,但奉勸各位小朋友避免喺屋企玩,免得打爛屋企的物件。
裝備:發球主機、伸縮棒球棍、軟身棒球6個。
適合歲數:5歲或以上
電源:3粒中電
尺寸:約18吋高、18吋闊
售價:$129.9(玩具反斗城)




射箭玩意玩法新鮮
想小朋友練眼界及定力的話,相信射箭是不錯的運動,呢套射箭玩意,可以有兩種不同的玩法,玩普通手拉弓又得,學土人吹毒針咁玩吹箭管又得。至於安全問題,媽咪可完全放心,因為全部箭頭均用吸盤製造,夠晒安全。
裝備:箭靶、箭桶、箭3支、弓、吹箭管2支、小箭6支。
適合歲數:6歲或以上
尺寸:約32吋高、22吋闊
售價:$299.9(玩具反斗城)



室內高爾夫球自動送波
呢套高爾夫球玩具,有埋靚靚的假草地和迷你假山,小妹妹只要將球放喺草地上,對準洞就可以擊球入洞。媽咪同囡囡重可以一齊打,增進母女感情!
裝備:草地連迷你洞一塊、高爾夫球桿2支、高爾夫球4個。
適合歲數:3歲或以上
電源:2粒中電
尺寸:77吋長、16吋半闊
售價:$99.9(玩具反斗城)
體育大雜燴5合1夠多元化
囝囝囡囡一時要踢足球、一時又話要打Golf,呢套五合一的玩具就滿足到佢哋嘅要求。小朋友可以一次過玩齊足球、籃球、棒球、曲棍球和高爾夫球這五項玩意,日日玩唔同嘅玩意,極富新鮮感。
裝備:足球龍門架、足球1個、籃球架、籃球1個、棒球棍1支、棒球1個、高爾夫球桿2支、高爾夫球2個、曲棍球棒2支、冰上曲棍球1個、草地曲棍球1個、氣泵1個。
適合歲數:3歲或以上
尺寸:約48吋高、36吋闊
售價:$169.9(玩具反斗城)
迷你乒乓波枱隨時開波
鍾意打乒乓波的小朋友,唔想經常出街同人爭波枱的話,可能你會鍾意呢張迷你乒乓波枱,波枱Size細細,可以放喺餐枱上面,再用埋附送嘅迷你乒乓波拍,隨時開波都得。
裝備:乒乓波枱、乒乓波、網、波拍2塊。
適合歲數:3歲或以上
尺寸:約24吋半長、12吋闊
售價:$46.5(三越)
靚靚保齡樽增添打波樂
保齡球可訓練小朋友的定力同手力,呢套玩具有6個透明的靚靚保齡球樽,樽入面重有藍色、紅色和綠色的波波點綴,真係靚到唔捨得打!
裝備:保齡球、保齡球樽6個、底板。
適合歲數:3歲或以上
尺寸:約8吋半高、14吋闊
售價:$129.9(玩具反斗城)
店舖資料
玩具反斗城
(27309462)
尖沙嘴海運大廈地庫032號舖

三越
(25765222)
銅鑼灣軒尼詩道500號