移民英國|90後「廢青」唔做地產經紀赴英升學 碩士畢業變經濟顧問

蘋果日報 2021/06/23 21:41

英國移民英國

曾經,阿源大聲疾呼那句擲地有聲的、被譽為香港網絡史上其一最經典的金句︰「這些機會不是我的」,念念不忘迴響十多年,惹來不少網民同病相憐。然而當天與「機會」絕緣的阿源,後來早已脫毒結婚,把一眾巴打「出賣」了。正所謂「仔大十八變,莫欺少年窮」。你今天沒有,不代表你明天也沒有,同樣的勵志故事,正好發生在今集的主角阿軒身上。

中學畢業做地產經紀 應酬中迷失自我

17歲來到英國讀書,在港時就讀於閩僑中學,阿軒自稱中小學時期讀書「麻麻哋」︰「因為同媽咪係單親家庭⋯⋯佢唔得閒叫我讀書,所以去咗閩僑中學。」現年26歲的阿軒,移英才八年多,但說得一口流利英語,加上有點像忘了廣東話怎麼說的金城武式廣東語口音,很容易讓人誤會他是BBC(英國土生土長華人),但其實,在港出生與長大的阿軒,廣東話才是其母語。阿軒解釋,皆因在英國都是說英語為主,只有跟母親傾long D(長途電話)才會用廣東話。
阿軒在香港中學畢業,那一屆閩僑中學畢業生,竟沒有一個能考上大學,阿軒也不例外。為了生計,阿軒嘗試去當地產經紀。「當時覺得如果做到地產,搵到錢嘅話,一世都唔緊要啦,最緊要搵到錢啫⋯⋯」做了一年,阿軒自覺以自己「花𡃁仔」般的外型,根本不可能說服顧客買樓,加上又要應酬「劈酒」,又要「撈客」的迎送生涯,阿軒察覺不可能就這樣當個地產經紀一輩子,是否需要重新思考人生?

單親家庭成長 母親儲學費供升學

因緣際會下,阿軒與相依為命的母親坦白,說希望到外國讀書,但原來軒媽一直已為兒子儲蓄,多年來也儲起了一些學費。阿軒靠着母親含辛茹苦儲來的資金,一個人,一個篋,來到英國錫菲(Sheffield),由預備班讀起考進了錫菲大學(University of Sheffield)。「我嚟到英國讀foundation course,嗰一年教你講英文呀、寫英文呀咁。我每日9點起身食早餐,由9點讀到6點,咁樣做起碼半年,追返同學嘅進度⋯⋯」
現在一口陳冠希式英語的阿軒,想當年,也是「有限公司」。「初嚟英國時候,英文麻麻哋,唔係好識同人傾偈,去舖頭買嘢都唔識點溝通。但我就係咁睇電視,睇到好似研究電視劇咁,如果唔明我會暫停佢,中英文字幕一齊睇,用Google查吓,每套起碼睇咗三、四次,去到啲對白我都記得晒。」天道再一次酬勤,阿軒順利考上錫菲大學,主修經濟。
由勤力的學生變懶散,很容易;但由懶散變勤奮,往往都是難於登天。「媽咪幫我畀晒學費,覺得要頂硬上。我記得做地產時,每個月可能(搵)兩千蚊三千蚊港紙咁,每餐食麥當奴啦,返屋企黐餐啦,終於明白搵錢有幾艱難,所以知道有機會讀書,一定要勤力。」有人因為挫敗而放棄,有人卻因為挫敗而「的起心肝」,也許,人生往往都要經歷過,才知道甚麼要珍惜。
就這樣,阿軒考進大學主修經濟,學士畢業後再進修碩士。自小與媽媽相依為命的他感謝媽媽一直以來的幫忙,「因為知道媽咪犧牲咗好多,先至送到我嚟英國讀書。」現在事業有成的阿軒沒有忘記媽媽,更打算接媽媽到英國生活。

曾任大學客席教授 同英女拍十幾次拖

由那個在香港甚麼都沒有的小伙子,在英國脫胎換骨變身成碩士畢業生,充份體現了張家輝那句經典對白︰「你而家無,但係將來會有。」畢業後的阿軒,不僅成為了一位經濟師,更與現任外籍女友Emma共賦同居,成為了巴打們萄葡的、跟「阿源」差不多「出賣」了巴打們的「叛徒」。
「我同英國女仔拍咗十幾次拖⋯⋯」在大學當過客席教授的阿軒,連「溝女」界都「撈埋」︰「有啲女仔當時同我親熱過一次,但唔代表佢想做我女朋友。」筆者頂唔住了,「一嘢車埋去」︰「乜嘢叫親熱呢?」靦腆的阿軒以支吾以對回應筆者的憤怒。今天的人生贏家,還在意巴打們的感受嗎?
「我認為呢度啲女仔無咁黐身。」「同一間房度,都唔需要大家望住大家隻眼,大家需要自己嘅me-time,想要自己嘅空間,比較獨立囉⋯⋯我一開始第一個女朋友,我成日都黐住佢,後尾佢同我講有啲唞唔到氣⋯⋯」ok,現在是筆者「唞唔到氣」了。完了吧,好嗎?
empty
阿軒很快融入英國的生活,有自己的一群英國朋友。
empty
兩口子平常就這樣分工合作,一起烹調,一起用餐。
empty
現在事業有成的阿軒沒有忘記媽媽,更打算接媽媽到英國生活。
empty
回望大學畢業照,阿軒感觸良多。誰想到當日追車撈客的地產小伙子,今天在英國成了一係經濟顧問?
empty
17歲當地產經紀時的阿軒。說實在的如果這個人來找你買樓,你會否幫襯他?
empty
阿軒與母親年輕時的合照,自小與媽媽相依為命的他感謝媽媽一直以來的幫忙。
empty
訪問期間筆者要求兩口子煮午餐,兩口子分工合作頗流暢。
empty
兩口子也喜歡踩單車,假日的日常就是到附近的公園出一身汗。
empty
能夠找到個會打機,而且比自己更厲害的女友,阿軒應該羨煞一眾網民了。
撰文:曼爸
攝影:Melvin Mok
編輯:洪慧冰
-----------------------------
蘋果App大升級 更簡潔更就手!了解更多立即下載體驗