被視為勞斯萊斯及賓利車廠老家嘅Crewe廠房，將會隨着兩者姊妹關係結束而有所改變；將於明年由福士擁有嘅賓利，將繼續留守Crewe大本營，而成為寶馬旗下嘅勞斯萊斯則會遷離，另往他地繼續生產。
而最後一批為數達215部嘅「Last-of-lineseries」特別紀念版（170部SilverSeraph及45部Corniche），經已正式離開生產線，而最後一部於Crewe廠房生產嘅勞斯萊斯汽車，亦已於上月底出廠，此車為Corniche開篷車並會存放於Crewe廠房內，見證勞斯萊斯在Crewe嘅光輝歲月；然而，呢批特別紀念版將會改用專用嘅紅色R-R廠徽，以凸顯其身份。而賓利車廠方面，備受矚目嘅GTCoupe跑車，更會於月底舉行嘅法國巴黎車展中亮相㖭；有興趣嘅車迷，到時記住要留意一下喇。