求驗客手記:卡拉斯高下一站米蘭?

蘋果日報 2019/01/04 00:00

亞洲盃國足足球米蘭恩歷克卡拉斯高

喺中超大連一方效力嘅比利時翼鋒恩歷克卡拉斯高有意重返歐洲,下一站極可能係意甲嘅AC米蘭,但有報道指米蘭嘅頭號收購目標係伊巴謙莫域同埋法比加斯,卡拉斯高只係後備方案。另外,國足下禮拜一就要出戰亞洲盃,鬥中亞球隊吉爾吉斯,為咗提升球員狀態,佢哋禮拜三就同阿聯酋嘅阿爾華達嚟咗場熱身賽,結果憑前鋒于大寶梅開二度,加上武磊、張琳芃同埋韋世豪各入一粒,以5:3擊敗對手。