禮拜三（26日）谷草夜賽採用C跑道，天文台預測當日會有多陣雷暴。按此情況估計，當晚賽事或有機會在變化地上進行。

回看去年10月19日谷草用C欄跑馬，當時場地受天雨影響，結果當晚八場賽事全部由前置馬勝出，其中「至尊飛星」及「金錢路」（均已退役）更一放到底建功。另外，1檔馬包辦當晚半數頭馬，所以排內檔之快馬今次最值得優先捧場。

今戰列陣馬中，出戰第4場四班1200米的「歡喜」，曾於三次角逐谷草C欄賽事全勝，還要今仗抽得1檔好位，成功由黃皓楠放出有機會帶到。

另外，角逐尾場二班1200米的「勝利名星」，三次跑谷C欄均上名，加上本身又贏過變化地，抽四檔形勢唔差，有力再憑黃皓楠食尾糊。