噚日朝早風雲變色，行會喺風雨中開完會，夏佳理嘅座駕喺政府總部恭候，司機好識做，為免老細淋雨，將架車倒後少少畀夏佳理上車，點知一入後波，在場人士就聽到撞擊聲。今次大鑊喇，夏佳理架車車尾竟然撞到特首專車車頭，夏佳理見到，當堂面黑。
夏佳理架賓利ContinentalFlyingSpur，舊年年尾落地，當年賣278萬，最高馬力達552匹；特首座駕係世紀Century，屬於豐田最高級型號。可能兩架車鋼水好，kiss一啖當然冇事，司機放心啦，虛驚一場啫。