謝霆鋒、王菲與張栢芝的感情瓜葛告一段落，但內地中央電視台有意邀三人拍攝劇集《神鵰俠侶》，由霆鋒飾楊過，栢芝飾小龍女，王菲則演李莫愁。霆鋒前日在澳門拍新歌MV時，坦言有興趣接拍。

據內地華商網轉載《華商報》的報道，指中央台有意與英皇合作於明年三月開拍《神鵰俠侶》，邀請謝霆鋒飾演楊過，栢芝飾小龍女，及王菲演李莫愁，報道指該劇總導演于敏認為栢芝較適合演小龍女，而王菲則在聯絡中，若成功邀請三人合作，該劇會以輕鬆浪漫作賣點。

「睇吓有冇檔期」
對此，霆鋒前日在澳門玫瑰堂拍攝新歌《苦海孤雛》時，表示有興趣接拍《神》劇，他說：「吳雨﹙英皇高層﹚有同我講過，我都有興趣拍，睇吓檔期點啦，因為要拍五個月咁長時間，但我有幾部戲又同時開拍，又要做巡迴演唱會。」霆鋒還表示不介意與王菲合作，問霆鋒擔不擔心三人合作會變成噱頭，他說：「睇成件事嘅啫，其實睇番個角色可能我未夠班做楊過，我覺得劉德華做先出色。」
而王菲經理人陳家瑛昨日接受電話訪問，提到霆鋒謂有興趣拍，王菲可有機會接拍？陳家瑛笑謂：「唔係嘛，佢（指霆鋒）玩咋？你話我哋會唔會有興趣拍呀？好好笑。總之我冇回應，亦唔信有咁嘅事。」而張栢芝經理人李小姐昨日在電話中說：「公司冇安排栢芝拍電視劇，人哋有興趣唔關我哋事。」

不會探望王菲
此外，霆鋒前日拍新歌MV，除了找來好友馮德倫任導演，霆鋒十五歲師妹Isabelle任女主角，還找來馮德倫的十歲契女扮霆鋒及Isabelle的女兒。霆鋒透露稍後要到上海出席廣告記者會，問他會否順道探望在當地拍戲的王菲，他說：「我即日來回㗎，我都未上過上海搵佢，次次都係去工作。」至於有雜誌指王菲與黎明因拍戲而舊情復熾，霆鋒說：「戲嚟咋嘛，雜誌嘢我不嬲唔信。」
記者胡比、仇志德澳門直擊