無線咪兩度變冇聲咪
陳冠希發脾氣大叫好唔掂

蘋果日報 2002/07/29 00:00


陳冠希(Edison)昨日在香港仔中心舉行簽唱會,Edison在演唱期間,音響竟兩度失靈,當場令他發𤷪𤺧猛叫「好唔掂」。而他對霆鋒暫別樂壇與女友王菲結婚一事表示不相信。
陳冠希(Edison)昨日假香港仔中心露天廣場舉行「希望之旅簽唱會」,英皇新人蔣希怡(Yumiko)亦做嘉賓載歌載舞。Edison在會上簽了三百個名,圍觀市民則約有二百名,而嘉賓之一的西鐵主席田北辰,更特別偕同女兒出席捧場。

落雨易生意外
Edison在舉行簽唱會期間,共唱出三首歌,但他唱最後一首歌途中,未知是否受天雨影響,音響器材竟兩度失靈,令其無線咪變了無聲的咪,Edison不禁當場發𤷪𤺧。事後Edison亦有點不悅地說:「好唔掂呀,都唔知搞乜嘅,唔開心就梗有,我未試過表現係咁,非常唔掂呀。」
Edison覺得音響失靈好有問題,問他曾否在演出前試聲?他卻說:「我啱啱落機,乜都唔知。」Edison又認為天雨路滑作戶外演出易生意外,所以將來都是選擇作室內表演。

支持霆鋒決定
此外,對於有傳謝霆鋒與王菲結婚,Edison說:「我唔信,我有問過佢(霆鋒),佢答『黐線呀』。」再問他是否贊成霆鋒暫別樂壇?Edison說:「佢開心就好啦,霆鋒係個有天份嘅歌手,暫別一排,啲fans都唔會忘記佢嘅,我自己都好想休息下呀。」又問Edison知否霆鋒會去哪兒休息?他說:「我有問佢,但佢話未知。」
採訪:陳梅香
攝影:陳炯威