眼見Theresa面部肌膚白滑幼嫩，一定要問她有甚麼護膚心得，但原來天生麗質的她，對護膚沒甚麼要求。「我本身皮膚敏感，易亁燥，所以一定會選擇超保濕和防敏感的護膚品。但係我其實係一個好懶嘅人，我到中六為止都只係用清水洗面，之後有買過市面上一些洗面用品，發覺都幾好，才開始花多少少時間護膚。」嘩！Theresa咁講認真令人既羨且妒，連買護膚品嘅錢都可以慳番！「我好少話飲咩美容湯水，通常媽咪煲湯都係畀我潤喉，我嘅皮膚喺入行前後都係差唔多，可能就係因為我飲食比較清淡，我一向唔食牛肉同煎炸食物，所以好難先會有暗瘡，就算有都會好快痊癒……」講夠未？點解上天咁唔公平！「HerCupofT」亦一如護膚淡若水，「飲品我淨係暖水或茶，要TakeCare好自己身體，皮膚先會跟住好。」

自言中六以後才第一次用潔面用品的Theresa，計計數，都成廿歲女才第一次塗面霜，處女面霜是Clinique，貪佢夠滋潤同防敏感，「我一到冬天轉春天，就有脫皮現象，要特別小心護理Keep住搽保濕用品。而我自己好鍾意MoistureSurge系列，特別是今次全新的ExtendedThirstRelief，我鍾意佢幾時都用得，係Cream之餘仲可以敷厚厚一層做埋Mask，就算要出Trip有佢都好方便，連我媽咪試過都話好！」

「化一個靚妝底霜就最緊要，一定要揀啱適合自己嘅粉底，我通常都會用本身有保濕同美白成份嘅粉底，因為上鏡始終係要白先靚，加上自己皮膚偏亁。我化妝就最着重對眼，對眼畫得仔細些，個人望落去都會精神，我平均化一個妝要個半鐘，但係如果平日就好快搞掂。」

最啱夏天的透白自然粉餅，不含油脂的配方，能控制油脂分泌，有8種色調選擇。

保濕粉底液，感覺清凉，能塑造出柔和的啞致效果，更可持續長達8小時。

Clinique的粉紅系列MoistureSurge，一向都深受大家歡迎，用過佢嘅朋友都知呢條Line係超級滋潤保濕。就連Theresa都話要日日帶住MoistureSurgeExtendedThirstRelief出街，貪佢夠方便，仲可以化咗妝都搽上面，整天隨時保濕都得。全個系列中，小記就覺得以下呢幾樣最得！

含嶄新的滋潤劑HydroxyethylUrea和甘油，令保濕功效更持久。HydroxyethylUrea更能滲透角質層，為肌膚灌水。

只需在肌膚亁時噴一噴，就能將水份鎖緊，令肌膚時刻水嫩幼滑。

敷上眼膜後休息10分鐘，每星期做1-2次，令雙眼肌膚保持濕潤和水份均衡。

查詢：Clinique（21968480）