今晚平安夜，由於佘詩曼要開工，故日前提早歎聖誕大餐。雖然阿佘未能趁佳節狂歡，但曾在聖誕派對喝飲品後不省人事的她，提醒少女們記緊要慎選派對，還要有朋友照應及注意飲品，以保平安。

今晚平安夜是萬眾歡騰的日子，但佘詩曼要拍攝無綫新劇《鳳凰四重奏》，所以她日前提早到灣仔一餐廳大擦價值三百六十八元的北歐聖誕大餐，包括龍蝦火雞卷、鹿肉架及三文魚等，相當豐富。

果斷離開

雖然阿佘今晚未能狂歡，但她不忘提醒少女們出席派對時必須加倍注意，因阿佘有年曾喝下一杯迷暈飲料而不省人事，她說：「嗰時我得十幾歲，重讀緊書，啱啱喺外地返香港過聖誕，同個女同學去咗間disco，飲咗一杯嘢，但唔知係杯嘢太strong定點樣，飲完後有好奇異嘅感覺，嗰吓我知自己唔妥，即刻好果斷、二話不說就走，嗰陣都未到十二點，我返到屋企即刻不省人事，好彩最後都過咗一個好平安嘅平安夜。」
阿佘身為過來人，未知她對時下少女們開P有何忠告？她說：「首先要好小心選擇去嘅party，唔好單獨去，點都要有三五知己陪，有乜事都有照應；唔好亂咁飲人哋杯嘢，返自己座位時最好再嗌飲品。」

彩金贈母

阿佘長居夏威夷的母親最近返港，原來兩母女至少十年未曾同度聖誕，故阿佘雖然很忙，但今年聖誕對她意義重大，她笑說：「我已經將上次去澳門馬場贏到嘅錢分一半畀佢，佢都應該幾快樂。以前過時過節，我都會畫張卡畀媽咪，𠵱家太忙，冇得做呢件事，希望今年可以抽到少少時間，親自畫張卡畀佢。」
採訪：朱倬誼
攝影：林德雄
化妝：江中平
髮型：[email protected]
服裝：BCBGMAXAZRIA
場地：王子酒店ICY餐廳