楊千嬅與鄭中基近日又傳情海翻波，最新一期《忽然1周》報道指鄭中基在內地拍劇期間，狂追內地女星李冰冰，引起女友楊千嬅不滿。再加上早前鄭中基又在蘭桂坊醉酒鬧事，令千嬅對他徹底死心，決定跟他一刀兩斷。
千嬅昨日接受電話訪問時，否認曾為鄭中基的緋聞發火，她說：「嗰日我病，嗰個只係病樣，呢件事嘅真相天會知，算啦，新正頭當做善事，俾人發新年財刺激吓銷量囉。」

虛度情人節
千嬅表示外間一直以為她與鄭中基仍是情侶，其實他們只是朋友關係。問她鄭中基現時有沒有女友時，千嬅說：「總之佢搵到個適合嘅話，我會衷心祝福佢。」會否與鄭中基劃清界線？千嬅說：「唔好咁講，大家朋友，咁講太嚴重。」
此外，鄭中基昨日與鄭敬基在尖沙嘴拍攝電視劇《我要fit一fit》，記者問他前晚情人節如何度過時，鄭中基說：「一個人屋企過囉！情人節我冇搵過千嬅，你都話情人節佢一個人過啦，唔通打電話畀佢祝佢情人節快樂咩，想攞景定贈興呀？」
而鄭中基又謂覺得李冰冰很好人，但對她則沒有感覺，故沒機會發展戀情。