當年今日

  何志平出名皆因胡慧中 - 李八方

蘋果日報 2002/09/19 00:00


何志平噚日又出巡,今次係去荃灣、葵青區,雖然佢頻頻落區,但係究竟有冇提升市民對佢嘅認知,八方真係唔敢講。事關佢噚日去荃灣美心酒樓,雖然有熱情茶客認得佢,重講笑話叫局長埋單,但係出到街,情況就唔同。
何志平喺一條天橋行行吓,啱啱同八方同事講到自己鍾意食齋月餅,唔想太肥膩時,眼角瞄到一個小朋友,忍唔住走過去摸吓,小朋友媽咪即刻好似識咗何志平好耐咁話:「想生番個仔呀,唔怪得啦!」八方同事好奇,問媽咪係咪識何志平,點知佢話:「識!胡慧中老公嘛!」唉,明星效應真係掂過局長效應!


傳真︰2623-9278
電郵︰[email protected]