當年今日

懶理靚籮相曝光 照著三點式
婷婷拖實男友連蒲三場

蘋果日報 2005/07/17 00:00


謝婷婷和外籍男友前晚出席完中環Lanvin開幕禮後,便往Dragon-i和Volar夜蒲,其間婷婷和男友一直十指緊扣。被問到日前被拍下穿三點式晒靚籮的照片,婷婷毫不在乎地說:「我只係做普通人做嘅嘢啫。」
日前被周刊拍下在淺水灣穿三點式跟外籍男友曬太陽的謝婷婷,前晚約九時跟男友在中環IFC出席Lanvin新舖開張,一身便服打扮的她在兩名Dior高層陪同下到場。談到被拍下穿三點式晒靚籮的照片,婷婷毫不在乎地說:「唔緊要,我只係做普通人做嘅嘢啫,我唔會因為咁唔着三點式,唔通去沙灘着bodysuit咩?打網球梗係着網球衫啦。」
計劃做生意
至於周刊指她有屋企唔返,婷婷說:「爹哋媽咪睇完都冇嘢,佢點知我有冇返屋企?我𠵱家同爹哋住。」婷婷透露今次回港不會找暑期工,將全程休息,現時她正計劃做生意。
之後婷婷和外籍男友手拖手往中環Dragon-i夜蒲,至凌晨一時許,二人便離開再步行往另一間熱門蒲點Volar繼續狂歡,玩至凌晨二時四十五分,婷婷才和男友搭的士離開。見婷婷和男友全程均十指緊扣,可見他們正在熱戀中。
樂基兒匆忙
其間樂基兒亦在Volar出現,但見她入內時遮遮掩掩,逗留了半小時便從後門離開。官恩娜則於凌晨一時許離開Volar,她透露有朋友開生日會,但就碰不到謝婷婷。據知,林建岳的兒子林孝賢當晚亦在Volar開生日派對。而趙世曾和女友Wendy亦拖手夜蒲蘭桂坊,表現恩愛。
採訪:梁錦雯、卓寶花
攝影:何國豪、娛樂突發組
empty
已縮胸的樂基兒,前晚在Volar匆匆逗留半小時便離開。
empty
趙世曾和女友Wendy手拖手漫步蘭桂坊,亦是另一種浪漫。