馮仁昭四圍超:女友結婚了 人妻慰寂寥
朱孝天冧掂蔣經國孫女 - 馮仁昭

蘋果日報 2011/04/28 00:00


朱孝天同林熙蕾拍拖5年多,去年分手,女方上月底火速嫁成衣商人楊晨,愛人結婚了,新郎冇佢份嘅朱孝天雖然酸溜送祝福,但佢都唔蝕底,上周四被發現冧掂台灣已故總統蔣經國孫女、台灣立法委員蔣孝嚴二女蔣蕙筠,二人喺台北撐枱腳食麪,之後朱孝天仲做柴可夫送佢離開。
empty
失戀嘅朱孝天上周被發現搭上蔣經國孫女蔣蕙筠,被指介入女方婚姻。 台灣《壹週刊》圖片
empty
朱孝天同蔣蕙筠撐枱腳後,仲送女伴離開,朱孝天架新車同舊愛林熙蕾嘅車款相同。 台灣《壹週刊》圖片
「想幹嘛就幹」
現年32歲嘅朱孝天無懼姊弟戀,搭上年長兩歲嘅熟女蔣蕙筠;蔣蕙筠除咗屋企有政治背景,佢仲係中天電視節目部總監,07年仲被爆同製作人江吉雄個仔江辰鴻結婚,換句話講朱孝天變咗第三者。
朱孝天同蔣蕙筠食麪時講唔停,蔣蕙筠只間中答幾句。朱孝天早前拍攝台劇《記得我們有約》時同蔣認識。佢噚日出席台灣活動時回應緋聞,佢話:「我因為要退到幕後才找她聊聊,真的很對不起人家。」
有指朱孝天被林熙蕾狠撇後消瘦,佢死撐話:「想幹嘛就幹嘛,不需要交代行蹤,想跟誰吃飯就去。」蔣蕙筠日前回應:「我們在聊對戲的看法,他一直笑嘻嘻,看來心情滿好,說實在我們並不算熟。」