【本報訊】新一年人人都希望市道反彈，圖於逆市突圍，只要有創意，小本經營亦可跑贏「大堆頭」製作，今年在年宵市場中售賣吹氣「鐵頭功」頭罩玩意的攤檔，憑噱頭勁賺近十萬元，較以四十一萬元投得年宵檔王的「腸粉大王」，多賺一倍。而不少商店在新春期間照常營業以爭取生意，結果有人歡喜有人愁，飲食業生意較去年上升近兩成，零售業則旺丁不旺財。　記者：黎國強

以四十一萬元投得今年維園年宵市場最大快餐攤位的「腸粉大王」葉先生，合計貨物、工人薪酬及雜費等成本，投資近八十萬元，只賺得五萬元，平均每投資一元只賺得六仙，他坦言：「比預期少咗一半，惟有當係安慰獎。」
葉先生對於生意未如理想，歸咎是場地安排欠佳，「今年天氣咁好，但係生意都只係咁麻麻，主要係個檔位太近入口，唔夠空間吸引啲客人。」

歸咎場地欠佳
同樣是擺放年宵擺檔，以七萬元投得四個攤位，售賣自行設計吹氣「鐵頭功」頭罩玩具的劉太，投資金額不及葉先生的一半，但卻憑產品的創意和喜劇《少林足球》的「餘威」，結果賣個滿堂紅，勁賺近十萬元，平均每投資一元可賺得三毫。
劉太說：「響咁嘅淡市裏面，真係覺得好成功，我響加拿大唐人街嘅二嬸睇報紙見到，好恨玩，所以我諗可以發大嚟搞，將呢啲中國功夫嘅產品批發到海外有華人嘅地方。」

飲食旺零售差
另外，在新年假期期間，不少商店照常營業爭客；稻香海鮮火鍋酒家董事鍾偉平表示，今年開年飯的生意較往年增加一成半，「今年多咗人留港消費，我哋年三十晚已經感受到新年氣氛，年初一、二嘅生意比舊年好咗近一成半。」
有富豪飯店之稱的富臨飯店亦十分「旺場」，該店總廚李文基表示，該店在新春期間的生意較去年上升近兩成，「我哋好多熟客過年都有嚟食飯，食吓啲賀年小菜，派吓利是畀我哋啲夥計咁，好熱鬧。」據入境事務處資料，今年除夕至初三，共有一百一十萬人次離港，去年同期則有一百一十六萬人次離港。
不過，零售業則旺丁不旺財，百貨商業僱員總會外務總幹事鄭乃恩說：「今年農曆新年天氣好，又唔凍，市民出街都係去拜年，好少人買嘢，尤其係賣衣着嘅，更加少生意。」