港大新任校長到底會唔會係何大一？呢位發明雞尾酒療法醫愛滋病的風雲人物，雖然曾講過絕無其事，但近日八方收到風，佢老兄又再成為大熱，事情總會有變化。
無論如何，何大一是受港大師生歡迎的人物，八方最近收到一份港大學生印刷的刊物「生生不息」，發覺裏面有篇何博士的節錄文字，都幾發人深省。
呢篇係何博士去年來港出席青年峯會開幕禮的講詞，文中以植樹比喻幫助貧窮國家的迫切性。何博士引用一句古老的非洲諺語，大意係「二十年前識得栽樹當然係最好，否則𠵱家着手都唔遲」。
佢又鼓勵在場的年輕人，不要懷疑個人力量也可改變世界。在煲呔曾、蔡元雲同現任港大校長戴義安等多位名人嘉賓的講詞中，學生只選擇了何博士引用的那句諺語，作為內頁大相的標題，足見學生對何博士的厚愛。其實何博士將與中國醫學院合作進行愛滋疫苗的人體試驗，再創另一個高峯。
之前佢否認會做校長，可能因為未諗掂點樣一邊做研究一邊管理大學。唔通𠵱家佢諗到兩全其美的方法？
（圖）何大一甚受港大學生歡迎，唔知佢有冇機會做港大校長呢？


E-mail：[email protected]