怕發炎上下身唔同洗呿
肥肥風騷出院Show膽石

蘋果日報 2002/03/15 00:00


肥肥沈殿霞大前日進行割膽石手術,用了五小時割除三十六粒膽石。肥肥昨日出院時,拿着裝着膽石的膠樽,欣宜更指着膽石說:「似唔似粒栗子?」而肥肥因怕傷口發炎,洗澡時上下身要有不同洗法。
沈殿霞(肥肥)大前日在威爾斯親王醫院接受割膽石手術,在五小時手術過程中割除體內三十六粒膽石。昨午三時肥肥在女兒欣宜陪同下出院。
肥肥手持裝有三十六粒膽石的膠樽,欣宜指着樽內的膽石向記者笑說:「似唔似粒栗子?」記者笑問肥肥會不會變得冇膽,她笑說:「係啊!冇膽肥女。」

需休息兩星期
肥肥表示是自己要求盡快出院,她說:「噚晚重有少少發燒,今日已經退晒,本來預計做一個鐘頭嘅手術,就做咗五個鐘。我都算叻,醫生都話我忍得痛,原來我四周圍都發炎,要慢慢清理,最後喺個肚度開咗四個窿。星期六朝早就要覆診,相信我要休息兩個星期。」
出院時的肥肥心情輕鬆,但仍然要慢慢說話,她說:「噚晚開始通大便,重可以食番普通食物,今日我已經重咗一公斤(約二點二磅)。」
問肥肥沖涼會不會有問題,她說:「個傷口驚發炎,就唔可以濕,但係我個人就最乾淨,屙完屎都要洗屎忽,涼就一定要沖,下身用花灑,上身就會抹下。」

醫藥費未計好
安德尊昨日接肥肥出院,許佩老師亦於昨早探望肥肥,安德尊說:「今日唔可以畀錢住,因為原先預咗做一個鐘手術,但做多咗四個鐘,所以要計過條數先畀錢。」
採訪:楊潔雯
攝影:何國豪