當年今日

張柏芝否認厭食:我有一百零八磅

蘋果日報 2002/05/30 00:00


張栢芝昨午在中環為新片《絕世好B》開工,其間因喉嚨不適,請假兩小時往看醫生。
對於有雜誌指栢芝患上厭食症,現時體重只有九十磅,栢芝昨日透過經理人公司回應說:「都冇根據,我𠵱家有一百零八磅,佢哋咁寫令我家人好擔心,會嚇親我媽咪。我要澄清,我每年都有bodycheck,日日開工都食得瞓得,點會有厭食症?」
昨日六時許,栢芝仍在中環中央廣場開工,引來大班記者採訪。栢芝說:「影相唔講嘢呀,唔好再話我厭食症呀。」

駕新車疑訪男友
此外,昨早有讀者報料謂看見栢芝駕着其粉紅色MiniCooper新車,直駛中環半山,不知是否往霆鋒位於舊山頂道的寓所。栢芝經理人李小姐昨在電話中說:「冇可能,霆鋒都唔喺香港。」
而謝霆鋒昨日五時多,演出完慈善騷後由北京返港。問到近日有人目睹他常往片場探栢芝班,霆鋒說:「唔緊要,都慣咗,反正又冇相,冇所謂啦。」
霆鋒離開機場後先往九龍法國醫院探朋友病,然後便往加德士油站,換領三個世界盃足球名星公仔,他表示碧咸公仔會送給梁漢文,奧雲則會轉贈陳奕迅。之後霆鋒便返回中環錄音室。
採訪、攝影:卓美娟、彭琮然